وجه الرئيس عبد الفتاح السيسي رئيس الجمهورية، عدد من الرسائل خلال تصريحاته اليوم الخميس بافتتاح مجمع مصانع إنتاج الكوارتز في العينة السخنة، حيث حرص على تجديد الدعوة للمستثمرين للتواجد في السوق المصري مع تقديم لهم العديد من التسهيلات ، كما رد على أزمة الدولار وارتفاع الأسعار على المستوى المحلي.
يذكر أن مجمع مصانع إنتاج الكوارتز الذي افتتحه السيسي اليوم، في العين السخنة يضم نحو 5 مصانع، الأول هو مصنع تكسير خام الكوارتز بمنطقة مروة السويقات في مرسي علم بمساحة 250 ألف م2 ، و4 مصانع بمنطقة العين السخنة على مساحة 300 ألف متر مربع بواقع مصنعين لطحن خام الكوارتز لحبيبات بالغة الدقة حسب الموصفات المطلوبة، ومصنع تكسير لحبيات اصغر، وأخيرا مصنع إنتاج ألواح الكوارتز.
رسائل الرئيس السيسي خلال افتتاح مصانع الكوارتز
وقال الرئيس السيسي خلال افتتاح مصانع الكوراتز: ” مشروع إنتاج السيلكون تكلفته الاستثمارية 700 مليون دولار، واحنا بنجيب منتجات من الخارج مثل الأغذية بأرقام كبيرة أيضا ولو قولنا بكام الدولار وهنجيب منين لن نتحرك للأمام”.
وفي رسالة وجهها للمستثمرين قال السيسي: “إحنا معاكم.. معاكم بإنكم تيجوا تشتغلوا.. تشتغلوا معانا ولا لوحدكم؟ اللي أنتم عايزينه، عايزين لوحدكم هنسهل معاكم الأمور، عايزين تبقوا موجودين معانا؟، وقولتها بافتتاح مشروع الرمال السوداء، كل ما نعمله متاح لكم”.
وتابع موجها حديثه للقطاع الخاص والمستثمرين: “من فضلكم متضيّعوش وقت تاني وأي مشروع من المشروع اللي بنتكلم فيها فرص نجاحه، مش أنا اللي بقول إنها ناجحة ولكن بالبيانات اللي عندنا وحجم الاستيراد الذي نستورده هو دراسة الجدوى فلو كانت خامتها موجودة في مصر يبقى المشوار كله خلصان، مش هنجيب حاجة من برا.. وأقول تاني للمستثمرين، وللحكومة منضيّعش وقت تاني أكتر من كده”.
وأردف الرئيس السيسي: “اللي موجود عندنا مش سر، ونحن أمام فرصة استثمارية بقولها للمستثمرين الأجانب للاستثمار في الكوارتز، وهناك فرصة استثمار جيدة في مصر في قطاع الكوارتز والسيليكون المعدني”.
التعليقات